Jørgen Chemnitz ussassaarutinik assiliisutut (reklamefotograf) 1985-imi soraarummeersimavoq, tamatumalu kingorna ussassaarutinik assiliinermik ingerlatsivinni siuttuusuni arlalinni sulisimalluni namminerlu Københavnimi ussassaarutinik assiliinermik ingerlatsiveqarsimalluni.

Kattuffimmi suliffeqarfimmiluunniit assinik atorfissaqartitsiguit pr.gl attaveqarfigiinnaruk. Assit filinut angisuunut tunniunneqassapput, taamaasilluni nettimi atorneqarsinnaanerisa saniatigut ajornaquteqanngitsumik naqitikkani, katalogini display-nilu angisuuni atorneqarsinnaallutik.

Assiliisutut Jørgen Chemnitzip ilaatigut sullissimavai Statoil, pisiniarfiutileqatigiiffissuit Magasin aamma Illums Bolighus, Tele Greenland, Kalaallit Nunaanni Sulisitsisut Peqatigiiffiat aamma Namminersorlutik Oqartussat.

Tamatuma saniatigut Jørgen Chemnitzip Danmarkimi assiliisutut ingerlatsivik Polfoto suleqatigisaraa, taamaattumik kattuffinnit suliffeqarfinnilluunniit assiutitit avammut nittarsaakkusukkukkut tamanna pr.gl.-ip isumagisinnaavaa.